i have a boyfriend, we’ve been together for 7 months. we’re comfortable at each other but still, there are things that i cant say to him.
itatagalog kona diko na kaya. kasi pitong buwan ko na din tinitiis yo eh, ang langhapin ang di kbanguhan o may kabahuan nyang hininga. hindi naman ganun katindi, feeling ko dahil un grade school pa sya huling nagpalinis ng ngipin at ngttrabaho na sya ngaun. hindi ko alam kung pno ko sasabhin s knya un. bka kasi msaktan sya. ilang bses ko n syang bnbgyan ng mouthwash, toothpaste at GIFT CERTIFICATE ng free cleaning sa dentsta pero ndi naman nya gngamit :l please help me mahal ko sya at kaya ko namang pagtiisan ang breath nya pero pano pg sa ibang tao na ayoko mapahiya sya. sna kua lloydie wag mo balahurain ang letter at ang kpantasan ng bf ko. salmat! more powers as in mdming powers to you.

love,

proserfina.

* * *

Dear Proserfina,

Salamat sa iyong pagliham at salamat dahil di ka nagpanggap na inglesera ka. Una, gusto kong sabihin sa iyo na naaawa ako sa araw-araw na pagtitiis mo sa paglanghap ng hininga ng nobyo mo. Tunay ngang pag-ibig yan dahil di mo alintana ang polusyon sa hangin na pinapasingaw niya tuwing magkasama kayo.

May mga ilan akong naisip na paraan para masolusyunan ang problema mo:

1. Wag ka magtoothbrush pag magkikita kayo. Pinakamainam na magkita kayo sa umaga na kagigising mo pa lang at panis pa ang laway mo. Makipag-usap ka sa kanya ng sobrang lapit na tila ba sineseduce mo siya. Itapat mo talaga ang bibig mo sa ilong niya. Sigurado di din magiging maganda ang pakiramdam niya. Pag sinabihan ka niya tungkol dito, sagutin mo siya agad na “the feeling is mutual baby. sabay tayo sa dentista ha. “

2. bumili ka ng gas mask. pag tinanong niya kung bakit mo suot yan, sabihin mo na tatanggalin mo lang yun kapag nagpunta siya sa dentista. medyo brusko ang approach na ito.

3. Mag-usap kayo sa tabi ng basurahan. Yung basurahan na naulanan at 2 araw nang di nakukuha ng trak ng basura.  maiimmune na ang ilong mo sa baho kaya di mo na maaamoy ang sa nobyo mo.

4. Habang nagsasalita siya, sabihin mo bigla na “Hulaan ko ulam mo kanina, tae?”

Ilan lang yan sa mga pwede mo gawin. Pero ang pinakaepektibo ay ang sabihin mo sa kanya ng direcho ang katotohanan. Wala na masyadong sugarcoating, pero wag din naman bastos. Pwede mo sabihin na, hon, try mo pumunta sa dentista kasi nakakaloka ang hininga mo amoy, jebakers! Joke. Wag yan ang sabihin mo. Sabihin mo lang na tingin mo kailangan niya magpadentista kasi mejo may amoy ang hininga niya. para kamo sa kanya ito para pag may kausap siyang ibang tao, hindi siya mapapahiya. Mahal mo kamo siya at para sa kanya ang sinabi mo. Iassure mo din siya na hindi ka naturn-off, at mahal mo padin siya at handa ka padin halikan siya. Mas matagal pa kamo ang halikan pag mabango na ang breath niya. yey!

Sana ay nakatulong ang aking munting payo.

Nagmamahal,

Kuya Lloydie

3oW poWw, aKo pO z j@Y, muL pOeW akOw s m@LaBoN. gUztOwW kO pO3 zNa iConZult za inyO yUnG prObL3mA kOwW zA bAhY. lAguE n LanG pOw3 akO p!nApGaliTanN nG p@rEntZz kOw kZe dAw pOwW puRo pOrm@ aNg !n!inT!ndi kO3, aT d fAg-a@rAL. d! pOwW nL@ mA!nTinDh@N nA k@!lAnGan kO3 !tO gAwiN prAaA duMam! fWendzZ kO aT mg!nG coOL @KO. pUmp@zOkK nMn pOw aKo, d nGA l@nG akOw ng-aAr@L. anO pO3 dPt kO gwiNn, hirApP pOw eEeEEEhhhhHhHH. ajEJejEjejEJejE!!!!!!!!!!???

tHAnkZ,

j@Y -06-

* * *

Dear j@Y,

Wala akong panahon basahin ang kabalbalang ginawa mo.

Tangena ka. <3 <3 <3

Nagmamahal,

Kuya Lloydie

P.S.: Sumulat ka na lang ulit sa akin pag napag-aralan mo na ang alphabet.

Itago mo na lang ako sa pangalang Bruno. Ako ay isang big shot na boss sa isa sa mga opisina dito sa Ortigas. Sumulat ako para hingan ng payo ang nangyayari sa akin sa opisina. Napapansin ng mas mataas sa akin na boss ko na nagreresign ang mga empleyado kong babae. Ito ay sa kadahilanang ilan sa mga ito ay napopormahan ko. Di naman sa pagyayabang, eh may kagwapuhan naman ako at matipuno. Di ko talaga matiis na hindi magpahaging sa mga magagandang babae na hawak ko. Pakiramdam ko kasi e lalaking-lalaki ako kapag napagchichisimisan na “bata” ko yung bagong receptionist o sales agent. Karaniwan na binibiro ko ang mga babae, at pinagsasabihan ng mga double meaning na salita. Pero wala naman sa akin yun, pilyo lang talaga ako. Pero nag-eenjoy akong mambastos ng hindi halata. hehe. Ano ang dapat ko gawin? Baka malagay sa alanganin ang trabaho ko. Tsaka, fyi lang, lahat halos ng babae sa opisina ay dumaan sa akin, maliban lang sa ilan na pakipot.

Sumasaiyo,

Armando

* * *

Dear Bruno,

Nabalewala ang pagtatago mo ng tunay mong pangalan dahil naisulat mo din sa huli. Ang laki mong tanga.

Bruno, gusto ko malaman mo na walang “cool” o “macho” sa sinabi mo. Hindi sukatan ng pagiging tunay na lalaki ang dami ng chiks mo. Ang tunay na ibig sabihin ng ginagawa mo ay isa kang insecure na putanginang manyak na walang karanasan at walang babaeng tunay na nagmamahal. Hula ko ay hiwalay ka na sa asawa mo kung meron man, o di kaya ay sa nobya, dahil maliit ang iyong… kokote. At t*t*. Akala mo siguro makakaligtas ka sa katotohanang iyan. Ayon sa pag-aaral, ang mga lalaki na agresibo sa pagpapakita ng kanilang superiority at pagiging dominant sa kababaihan ay insecure dahil sila ay may maliit na tweety. Hindi mo alam na pagtalikod mo, pinagtatawanan ka ng mga babaeng pinagmamalaki mo na dumaan sa iyo dahil parang Bibbo cocktail hotdog ang tweety mo.  Paumanhin, i-slice mo pa sa dalawa ang cocktail hotdog, at ganun kalaki ang tweety mo pag galit. Pag hindi galit, i-slice mo pa ulit sa dalawa, ayun ganun lang kalaki. Oo, napasobra ako sa pagtalakay sa tweety mo.

Bruno, matuto kang rumespeto sa babae. Pinagmumuka mo lang caveman ang sarili mo sa mga inaasal mo. Ang babae ay dapat ginagalang. Wala ka bang nanay o kapatid man lang na babae? Isipin mo na sa bawat pambabastos mo sa babae ay nagmumuka ka lalong insecure na hijo de puta. Oo may alam akong kaunting Espanyol na salita. Vamos!

At Bruno, hindi ako magtataka kung isang araw ay mawalan ka ng trabaho dahil sa ugali mong asal kanto. Ipagdadasal ko pa na itapon ka mula sa 20th floor ng building niyo nang baka sakaling maalog ang utak mo at malaman mo na mali ang pagtrato mo sa mga babaeng empleyado sa inyo. Maipapayo ko lang sayo, kung mahal mo pa ang iyong trabaho at ayaw mong mapaghalata ang size ng iyong tweety, irespeto mo ang mga babae. Igalang mo sila. Kung hindi, pinapangako ko sayo na magagalit ang fairy godmother mo at isusumpa ang tweety mo na maging kasing laki na lamang ng calamansi. Hindi,masyado pa malaki yun. Magiging parang buto na lang yan ng calamansi.

Sana ay naliwanagan ka. Tandaan mo na ang tunay na lalaki ay marunong rumespeto.

Nagmamahal,

Kuya Lloydie

Hi, I’d just like to share my story about my relationship with my hub-hub (i mean hubby, so cute no! i know, right?). Me and hub-hub have been a couple for almost a year na. We always go out on dates, and he always sends me sweet texts from time to time. He’s always making patawa and often gives me ferrero rocher that is so mahal. Not the ferrero na 3 or 6 pcs ha. The one na sobrang dami, yung 24 pieces yata, you know the heart shaped one! SO, to make the story short, i noticed that lately, he’s being malamig to me na. and i was like so naloloka, because that’s not him e. i mean, i feel na he’s making loko on me na. ( i think he has a kirida na! di ko lang siya mahuli, pero lately he changed na his password sa FB, YM and naglagay na sia ng PIN code sa cellphone niya. So kainis right? E dati araw-araw ko binubuksan lahat yun and he’s not making any galit-galit to me.parang may tinatago na si hub-hub sa akin! I’m so like depressed na kuya. I even thought of slashing my wrist na! huhu! I need advice, please help! What should i do?

Thanks,

Kat-Kat <3

* * *

Dear Kat-kat,

Maraming salamat sa iyong pagwrite ng letter to me ha.  I can feel the sakit in your puso-puso, that’s why I can relate sa feelings mo. Kaya I’ll make payo-payo sa’yo para matulungan kita sa problem mo ha. I hope you make intindi-intindi sa isusulat ko ha. Here’s my payo na:

PUTANG INA. Pwede ka magtagalog ng direcho, o magstraight english na lang. Sumasakit ang ulo ko sa pagbasa ng sulat mo. Hindi porket sosyalin ka ay may karapatan ka nang lapastanganin ang 2 wika sa isang sulatan lang. Ikaw siguro yung mga nakakasalubong ko noon sa unibersidad na umaalingasaw sa Angel’s Breath cologne at naka short shorts at racerback na damit kahit puro galis ang legs at braso. Dapat sa gaya mo inilulublob sa kumukulong mantikang pinagprituhan ng tilapya para mawala lahat ng kakonyohan mo! Hindi ka nagmumukang sophisticated sa kaartehan mo! HINDI PANSIT ANG BOYFRIEND MO KAYA WAG MO SIYA TAWAGING HABHAB! AT HINDI LANG IKAW ANG NAKAKATIKIM NG FERRERO NA CHOCOLATE!

Okay, sorry na-carried away ako. Para sa ikabubuti mo din ang sinabi ko Kat-kat. Ito na ang totoong payo ko…

Kung tama ang pagkakaintindi ko, napapansin mo na tila “cold” na sa iyo ang iyong nobyo. Nabanggit mo na di na siya gaya ng dati, so ina-assume ko na, ‘di na siya ganun kadalas magsend ng sweet texts, o nagpapatawa ng ganung kadalas o nagbibigay lagi ng Ferrero.

Kat-kat, namnamin mo ang mga susunod na sasabihin ko.

Masarap ang fried chicken hindi ba? Napakasarap na kahit siguro ilang araw na dire-diretso ay kaya mo to iulam nang di ka nauumay. Pero subukan mong kumain lang ng manok sa loob ng kulang 1 taon, hindi ka ba magsasawa? Gusto mo lang ako ipahiya kung sasagutin mo ako na hindi ka magsasawa, dahil imposible yun. Ngayong nagsawa ka na, ibig ba sabihin, di ka na kakain ulit ng manok sa ibang panahon, kunwari, makalipas ang ilang buwan? Pwedeng oo, pwede rin hindi. Ano ang pinupunto ko? Gusto ko lamang ipaunawa sa iyo na ang manok ay masarap na pagkain.

Joke.

Ibig sabihin, gaya ng ulam na paulit-ulit mong kinakain, ang relasyon kapag nagiging routine na, ay nakakasawa. Hindi naman ibig sabihin nito na nabawasan na ang pagmamahalan o wala na at all, kundi, normal lang na magkaroon nag kaunting umay. Maaaring bumalik ulit ang excitement sa ginagawa niyo pag pinalipas niyo ang ilang panahon bago ito ulitin, pero maaari din hindi niyo na talaga ito hanapin. Ang mahalaga ay nagkakaintindihan kayo na mahal niyo pa rin ang isa’t isa at alam niyong normal lang ang pangyayaring ito sa isang relasyon.

Nabanggit mo rin na pinalitan na niya ang password ng Facebook at YM niya. Kat-kat, wag ka kasing pakialamera. Matuwa ka na pinayagan ka niya na minsan panghimasukan ang mga private na bagay sa buhay niya. Hindi mali na ngayon ay itago na niya ang ibang bagay mula sa iyo dahil karapatan niya yun. Kung gagawa siya ng kalokohan, mahuhuli mo siya sa ibang paraan, hindi lang sa mga kababawan na binanggit mo. Irespeto mo ang privacy niya para hindi ka nasasaktan sa mga panahong gaya nito. Pero may alam akong panghack ng account sa FB kung gusto mo. Joke lang, wala akong ganyan. hihi. *wink*

Sana naliwanagan ka, at hindi mo na maisipan pang kunin ang sarili mong buhay. Kung hindi pa din, wag mo na ibroadcast na magpapakamatay ka. Gawin mo na. Wag ka papansin. )

Nagmamahal,

Kuya Lloydie

P.S. Technically, walang kirida ang nobyo mo dahil ‘di mo pa siya asawa. Mas politically correct na gamitin mo na lamang ang terminong “ka-chorvahan” o “ka-chukchakan” to refer sa kanyang other girl, kung meron man.

Itago niyo na lang po ako sa tunay kong pangalang Chupanggo. Ay wag po yan, mejo panget pakinggan. Yung pinaiksi ko na lang pong palayaw na Chup… ay bastos, wag na lang din yan kuya. Tawagin mo na lang po akong Johnson.

Gusto ko po sanang humingi ng payo sa inyo tungkol sa relasyon naming mag-gelpren. Ako pa ay isang tambay at masaya naman po akong ganito ang estado sa loob ng 7 taon. Ang aking pong nobya ay nagtatrabaho noon malapit sa bahay namin sa Navotas. Subalit nito pong nakaraang linggo lamang ay nalipat po siya sa Makati. Hindi ko na po siya gaano nakikita at nababantayan gaya ng dati. Natatakot po akong mag-iba siya at may magustuhan siyang iba. Madami pa naman pong naka corforate attire dun, mababango at sosyalin. Ako po ay isang hamak na tambay lamang na nakasuot palagi ng jersey ni dwyane wade ng Miami Heat. Ano po ang dapat ko gawin? Inaaway ko na po siya araw-araw dahil pakiramdam ko ay ipagpapalit na niya ako sa corforate na tao. Please help kuya.

Thanks,

Johnson of Navotas

* * *

Dear Johnson,

Magandang araw o gabi sayo, depende kung kailan mo ito mabasa.

Bago ang lahat may ilan muna akong gusto sabihin sa iyo. Una, subukan mong papalitan ang iyong pangalan, dahil kutob ko isa ito sa dahilan kung bakit 7 taon ka nang tambay at walang trabaho. Ikalawa, hindi corforate na may “f” kundi corporate  na may “p” ang tama. Marahil isa pang dahilan yang kabobohan mo kung bakit wala kang trabaho. Ikatlo,  di ko alam kung paano mo nadali ng tama ang spelling ng pangalan ni wade samantalang ang simpleng salitang “corporate” at “girlfriend” ay hindi mo alam.

Chup… I mean, Johnson, ito ang masasabi ko sa problema mo. Kailangan mo tanggapin at intindihin na ang pagbabago ay laging nangyayari sa ating mundo, at hindi maiiwasan. Hindi habambuhay na ang yelo ay matigas, nagiging tubig din ito sa pagtagal at yan ay dahil sa pagbabago. Kaya hindi maaaring laging nasa tabi lang ng bahay mo ang iyong nobya. May pangarap siya sa buhay kaya niya siguro ninais magtrabaho sa ibang lugar. Hindi siya gaya mo na palamunin at salot ng lipunan na malamang ay nakatambay lang sa labas at humihingi ng barya sa mga nagdadaang jeep para may pangtoma. Wag mo gawing hadlang ang batugan mong sarili sa pag-unlad niya bilang tao. Isipin mo din na kung talagang mahal mo siya, dapat ay may tiwala ka sa kanya. Hindi ka dapat makasarili na gusto siyang diktahan sa mga bagay bagay. Tandaan mo, palamunin ka lang, wala kang “say” sa mundo, para ka lang tae sa daan… walang silbi. *wink*

May mga ilang bagay na pwede ka gawin upang labanan ang kalokohang nararamdman mo. Isa rito ay ipwesto mo sa may pintuan ang mga daliri mo at isara mo ng sobrang lakas na para kang galit sa mundo. Sa paraang ito, makakalimutan mo ang mga kagaguhang naiisip mo dahil yung kamay mong bali-bali ang buto ang aatupagin mo. Pwede ka din kumuha ng panglinis ng silver at ibuhos sa iyong mata (di ko sinabing inumin mo ha, burat ka pag ginawa mo yun.), sigurado akong sa sobrang hapdi nun ay makakalimutan mo ang insecurities na nararamdman mo.

Pero ang pinakamainam mong gawin ay tanggapin ang lahat ng pagbabago na ito ng buong puso. Kung di ka titigil sa kahibangan mo, di malayong pagpalit ka nga ng nobya mo dahil wala ka na ngang silbi dahil tambay ka, maiistress pa siya sayo. Kung dumating naman ang panahon na ipagpalit ka nga niya sa kabila ng iyong pag-unawa, ganun talaga ang buhay. Move on, at maghanap ka ng trabaho ng may ibang nag-ooccupy ng isip mo maliban sa porn at insecurities.

Sana, nakatulong ako sa pagresolba ng problema mo Chup… I mean Johnson. Wag din sana sasama ang loob mo. Palamunin ka lang, wala kang karapatang magtampo. *wink-wink*

Nagmamahal,

Kuya Lloydie